فرصة تطوع فريدة فهنغاريا مع أطفال وسط الطبيعة!
كتحلم تعيش تجربة مختلفة بعيد على الروتين، وسط طبيعة زوينة وقريبة من بودابست؟ مدرسة فـ Gödöllő، وحدة من أقدم مدارس Waldorf فهنغاريا، كتقلب على متطوع/ة يجي يعيش تجربة مميزة من شهر شتنبر 2025 حتى يونيو 2026، فإطار برنامج التضامن الأوروبي (ESC)
هنا، ماشي غير كتخدم مع أطفال المدارس، ولكن كتشارك فأنشطة زراعية (البستنة)، الطياب، الحِرف اليدوية وحتى الطبخ التقليدي مع الأطفال. المدرسة عندها أكثر من 250 تلميذ، وكتعلمهم بالإنجليزية والألمانية، وكيوفرولك تكوينات، دروس فاللغة الهنغارية، وتجربة ثقافية زوينة بزاف. الخدمة يومية ولكن فجو مريح ومليء بالحيوية والمرح .
Gödöllő قريبة بزاف من بودابست (30 دقيقة بالقطار)، وكتوفر وسائل نقل مريحة، أكل صحي، وسكن مجهز. المتطوعين كيتعاملو كجزء من العائلة، وكيشاركو فالحياة اليومية مع الأطفال والمعلمين. والأهم: كلشي مممول 100% (الأكل، السكن، المواصلات وحتى المصروف الشهري ) بفضل برنامج ESC.
إلا كنتي كتحب الأطفال، وكتستمتع بالطبيعة، وكتهدر شوية إنجليزية أو ألمانية – هادي فرصتك. قدم قبل 11 يوليوز وخلي تجربة تطوعية فهنغاريا تكون صفحة جديدة فحياتك.